Hie träffe sich ja ganz viel Lüt

Brunche tüe mir all‘ zäme hüt

Und drzue no öppis fiire:

Genau gseit: 10 Jahr trainiere.

 

Dr Obi het‘s ids Läbe grüeft

D’Leiter uf Härz u Niere prüeft.

D’Läufer sie vo alleini cho

Ob alt oder jung,

är het alli gno.

 

Du bruchsch Hose, Schueh u Jagge

De chasch scho gli afa Jogge

Nimm no ä Uhr und ä Brülle

Drzue ä isige Wille.

 

Über Stock u Stei, düre Wald

Wes no warm isch, nass oder chalt

Jogge tüe mier ä Stund u meh

Ufe, Abe und düre Schnee

 

Schorewald u Träffpunkt P7

S’isch uf dr Webside beschriebe

Am Sunntig muesch zur Ara ga

Chunnt jede mit, wo zwe Stund mag ha.

 

Vieli Kilometer hei mir gmeinsam gmacht

Äs wird drbi brichtet und viel glacht

O Brätlet wird einisch im Jahr

Z‘Fondue ghört o drzue, ja klar.

 

Astosse tüe mir uf däm Fescht

D’Organisation sowie d’Gescht.

Ganz am Schluss säg‘ ig no danke

Für Rösti, Ei, Zopf und Anke!